疲累不堪，是時候去按摩。
俯伏在按摩床上，心情已輕鬆了一半。
能否遇上好師傅要講點彩數，尤其是第一次光顧的按摩店。基本上熱愛按摩的我，只要那手放在我肩膊上按幾下，已知道打後的個半小時，是享受抑或買難受。
眾多按摩方式中，我最愛還是穴位按摩，只要穴位按得準，一陣麻酸的感覺湧上來，甚至反射到手指腳趾去，令你精神為之一振。
按摩時，我很少睡覺，因為也曾學過穴位推拿，要感受師傅按不同穴位的反應，從中偷師。今天，就和師傅交流了幾個穴位心得。
我去的按摩店是「悠閒天地」，是職工盟為中年婦女就業的試點，地方乾淨，師傅手勢不俗，收費又便宜(初次去 $78 一節 45 分鐘，之後可買套票，約 $80 一節 ) ，最重要是小費隨意。但礙於宣傳不足，生意欠佳，大家請多多支持。
悠閒天地
地址：油麻地彌敦道 558 號譽發商業大廈 9 樓
電話：3586 3737
10 則留言:
哇,好平!!
佢地有冇人手通淋巴呀???
kum mo，
有通淋巴呀，但好痛架喎，你鐘意呀？
價錢都係一樣嗎?
人手通淋巴定時做可以強身健體,仲可以有助減肥,痛下有咩所謂!
唔捽唔知身體好嘛!
kum mo，
我第二次去時佢有同我通淋巴，價錢一樣。不過幫我做o既師傅離左職，其他師傅識唔識，你大可先打電話去問問。
嘩, 真係好平喎! 不過油麻地對我來講就遠左D, 我都好想全身按摩, 但起碼要等阿B豬豬出左世先得了! 唉....
manman，
你今年都唔駛諗，出年先啦。
Kum mo
淋巴唔可以亂通呀, 技術唔得, 會重衰過唔通架!
多啦,
下,係咩??呢樣我真係唔知喎!不過我唔多敢係一般做腳底按摩嗰D鋪頭做通淋巴,雖然比較平.我而家都係去D專做減肥或美容院做呢家野,不過做完第二日真的比較精神同埋個肚冇咁漲,仲有就係黑眼圈都淡左!如果做密D效果肯定好,不過就勁貴!
有咁筍既野介紹，做乜唔食飯時話我知。等我同老公都可去，咁請問招唔招待男賓㗎？
kum mo，
運動同食少d係減肥不二法門。
澄澄媽，
我以為你只鍾情 bangkok spa d 高檔o野嘛。
得閒去幫襯下，佢地生意唔好呀。
招待男賓架，你地一齊去啦。
發佈留言