BB 的發展一日千里，10 個月 3 星期的 BB 懂得甚麼呢？
叫爸爸媽媽，我就常被他「媽」過不停。
扶著東西(梳化、櫃、牆壁、椅子甚至人腳) 站上站落，我留意到他坐下時十分小心翼翼，懷疑曾「領過0野」跌過四「腿」朝天，但沒有目擊者。
擒拿手非常厲害，抓人五官、抓人頸鍊、抓人眼鏡，接近者無一倖免。
懶得戚的上下「 UN」、左搖右擺。
把手指放在他的掌心，他不會用力握著了，阿 B 已不是嬰兒了。
前天見他吃煙仔餅，「CHOP」一聲咬掉了三份一，然後又嗱嗱聲把餘下的放進口中，「豬屎雜(最近我對他的稱呼)，小心哽親呀！」話音未落，他的口像碎木機，把煙仔餅嚼過稀巴爛。
又然後，拋下一個得意的神情，好像說我大驚小怪。
阿仔，好串呀o下！
4 則留言:
haa.. 阿Mac已由一個BB進階到小孩子了! 只看妳的描述, 已經覺得佢好鬼得意! 有時間真係要探下佢!
點解叫佢"朱屎雜" ge?
manman，
係呀，佢已經係一個小孩子la。
你腹大便便就唔好周圍去，等你生完，我地全家出動黎探你啦。
點解叫佢做「豬屎雜」，覺得順口又襯佢囉，哈哈哈！
我想像到呢位小子係幾咁得戚！
叫「豬屎雜」，是因為他媽與屎有緣嗎？
momo，
其實佢大部分時間個樣都幾「蒙炳」架，但有時懶得戚咁。
發佈留言